SERAT SABDA TAMA
Nyritakake
yen ing jaman Kala Bendu yaiku jaman sing akeh kasusahan, jaman sing ora nentu,
kabeh wong luwih becik usaha ngurangi hawa nafsune lan sifat sing nguntungke
awake dhewe nanging ngrugikake wong liya. Para pemimpin, pejabat, politikus aja
mikirake awake lan keluargane dhewe, nanging uga mikirake nasibe kabeh wong.
Sapa wae, statuse apa wae kudu duwe komitmen kanggo nglakoni perbuatan sing
becik la nana manfaate kanggo wong liya. Kanggo wong sing nerapake prilaku
manfaatke kesempatan lan kedhudhukan, kewenangan, uga kekuasaan, uripe bakal
akeh susahe, ora bisa tentrem lan ayem. Akibate kabeh perbuatan sing dilakoni
mau bakal ngrugikake awake dhewe, lan kabeh kuwi bakal ngilangke martabat lan
kehormatane, sarta kabeh wong ora ana sing percaya.
Wong
sing ora gelem mbenahi prilakune, ing jaman Kala Bendu bakal tambah kasusahan.
Prilaku sing sewenang-wenang tambah akeh. Prilaku sing becik sansaya ora katon,
malah ora bisa bedakake prilaku sing becik lan prilaku sing ala. Kabeh kuwi
amarga prilaku ala sing wis akeh diduweni manungsa.
