Pranatacara Pahargyan
(
Pengetan Ambal Warsa Palakrama )
Assalamualaikum Wr. Wb.
Kasugengan
saha sih nugrahaning Gusti ingkang Maha Asih mugi kajiwa kasarira kula
panjenengan sedaya waradin sagung dumadi.
Nuwun.
Panjenengan Bapa Hadi saha kulawarga
ingkang dhahat sinudarsana.
Para tamu kakung putri ingkang winantu
ing kamulyan.
Pinuwarkan
kanthi puji syukur wonten ngarsanipun Gusti ingkang Maha Asih, ingkang sampun
paring pinten-pinten kenikmatan, kabahagyan saha katentreman. Katitik ing
wekdal punika, kula panjenengan sedaya saget makempal ing dalemipun Bapa Hadi,
kanthi mboten wonten alangan satunggal punapa.
Nuwun
sanggyaning para tamu kakung putri ingkang winantu ing suka rahayu. Kaparenga
kula nglantaraken rantaman adicara pahargyan pengetan 25 warsa palakrama Ibu
saha Bapa Hadi ing ndalu punika :
Sepisan :
Pambuka
Kaping
kalih : Atur pambagyaharja
dening Mas Winarna, minangka putra Bapa Hadi.
Kaping
tiganipun : Santi Swara Puja Rena
dening paguyuban santi swara ingkang dipunpandhegani dening Ibu Lilik.
Kaping sekawan : Tanggap sabda
dening Bapa Hadi.
Kaping
gangsal : Selingan beksan saking
paguyuban Bina Sejahtera.
Kaping nenem : Donga dening Bapa
Kardi.
Kaping pitu : Panutup.
Bapak
Ibu saha para tamu ingkang winantu ing pakurmatan. Mekaten rantaman adicara
pahargyan pengetan 25 warsa palakrama Ibu
saha Bapa Hadi ing ndalu punika.
Wasana sakderengipun adicara kawiwitan,
mangga sareng-sareng maos Basmallah langkung rumiyin : Bismillahirrahmanirrahim
Bapak saha Ibu ingkang kinabekten. Menggah
titilaksana adicara salajengipun inggih : Atur pambagyaharja saking putra Bapa
Hadi. Katur panjenengan Mas Winarna, kula sumanggaaken, nuwun.
Wassalamu’alaikum Wr.Wb.
